Unki Berukhi Mein Bhi Iltefaat Shaamil Hai – Begum Akhtar

unki berukhi mein bhi, iltefaat shaamil hai
aaj kal meri haalat, dekhney ke qaabil hai

qatl ho to mera sa, maut ho to meri si
mere sogvaaron mein, aaj mera qaatil hai

muztarib hain maujein kyun, uth rahe hain tufaan kyun
kyaa kisi safeeney ko, aarzu-e-sahil hai

sirf raahzan hi se kyuun, ‘ameer’ shikwa ho
manzilon ki raahon mein, raahbar bhi shaamil hai

-o-

Tabeeyat In Dinon Begaana-e-Gham Hoti Jaati Hai – Begum Akhtar

tabeeyat in dinon begaana-e-gham hoti jaati hai
mere hisse ki goya har khushi kam hoti jaati hai

qayamat kya ye aye husne do aalam hoti jaati hai
ke mehfil to vahi hai dilkashi kam hoti jaati hai

vahi mehkhana aur sehba vahi saaghar vahi sheesha
magar awazen noshaano se maddham hoti jaati hai

vahi hai shaahido saaqi magar dil bujhta jaata hai
vahi hai shamma lekin roshni kam hoti jaati hai

vahi hai zindagi lekin ‘jigar’ yeh haal hai apna
ke jaise zindagi se zindagi kam hoti jaati hai

-o-

Kaisi Yeh Dhoom Machaayi Rey Kanhaiya – Begum Akhtar

kaisi yeh dhoom machaayi rey kanhaiya
brij ke logan mein
rang chirkat ho, baanh gahat ho
main to hoon naar paraayi rey
kaisi yeh dhoom machaayi rey kanhaiya

-o-

Aye Kuch Abr Kuch Sharab Aye – Begum Akhtar

“Aye Kuch Abr Kuch Sharab Aye” Written By Faiz Ahmad Faiz

aye kuch abr kuch sharab aye
is k bad aye jo azab aye

bam-e-mina se mahtab utre
dast-e-saqi main aftab aye

har rag-e-khun main phir charagan ho
samne phir wo benaqab aye

umr k har waraq pe dil ko nazar
teri meher-o-wafa k bab aye

kar raha tha gam-e-jahan ka hisab
aj tum yad behisab aye

na gai tere gam ki sardari
dil main yun roz inqalab aye

jal uthe bazm-e-gair k dar-o-bam
jab bhi ham khanumankharab aye

is tarah apni khamoshi gunji
goya har simt se jawab aye

‘Faiz’ thi rah sar basar manzil
ham jahan pahunche kamayab aye

-o-

Deewana Bana Hai To Deewana Bana De

Begum Akhtar Interview