Begum Akhtar Hits

Few gems are presented below:

diwana bana na hai to diwana bana de
varna kahin taqdeer tamasha na bana de

ay dekhne walon mujhe hans hans ke na dekho
tum ko bhi mohabbat kahin mujh sa na bana de

main dhoond raha hoon meri woh shamma kahan hai
jo bazm ki har cheez ko parvana bana de

aakhir koi surat bhi to ho khana-e-dil ki
kaaba nahin banta hai to butkhana bana de

‘behzad’ har ek jaam pe ek sajda-e-masti
har zarrey ko sang-e-dar-e-janaanan bana de

kuch to duniya ki inaayaat ne dil tod diya
aur kuch talkhi-e-halaat ne dil tod diya

hum to samjhe teh ke barsaat mein barsegi sharab
aayi barsaat to barsaat ne dil tod diya

dil to rota rahe aur aankh se aansu na bahe
ishq ki aisi rawayaat ne dil tod diya

woh mere hain mujhe mil jayenge aa jayenge
aise bekaar khayalaat ne dil tod diya

aapko pyaar hai mujhse ke nahi hai mujhse
jaane kyon aise sawalaat ne dil tod diya

aey mohabbat tere anjaam pe rona aaya
jaane kyun aaj tere naam pe rona aaya

yun to har shaam ummedon me guzar jati thi
aaj kuch baat hai jo shaam pe rona aaya

kabhi taqdir ka maatam kabhi duniya ga gila
manzil-e-ishq me har gaam pe rona aaya

jab hua zikr zamaane me mohabbat ka ‘shakeel’
mujhko apne dil-e-naakaam pe rona aaya

mere humnafas, mere humnawa, mujhe dost banke dagaa na de
mein hoon dard-e-ishq se jaan-valab, mujhe zindagi ki dua na de

mere daagh-e-dil se hai roshni, usi roshni se hai zindagi
mujhe darr hai aye mere chaaragar, ye charaag tu hi bujha na de

mujhe chhod de mere haal par, tera kyaa bharosa hai chaaragar
ye teri nawaazish-e-mukhtasar, mera dard aur badhaa na de

mera azm itna buland hai, ke paraaye sholon ka darr nahin
mujhe khauf aatish-e-gul se hai, ye kahin chaman ko jalaa na de

wo uthe hain leke khum-o-subu, arey O ‘Shakeel’ kahan hain tu
tera jaam lene ko bazm mein, koi aur haath badhaa na de

woh jo hum main tum main qarar tha tumhain yaad ho ke na yaad ho
vahi yaani vaada nibah ka tumhain yaad ho ke na yaad ho

woh naye gilay woh shikaayaten woh mazay mazay ki hikayaten
woh har ik baat pe roothna tumhain yaad ho ke na yaad ho

kabhi hum main tum main bhi chah thi kabhi hum se tum se bhi raah thi
kabhi hum bhi tum bhi the aashnaa tumhain yaad ho ke na yaad ho

jisay aap ginte the aashnaa jisay aap kehte the baawafa
main wohi hoon ‘Momin’-e-mubtalaa tumhain yaad ho ke na yaad ho

ye naa thi hamaari qismat ke visaal-e-yaar hota
agar aur jite rehate yahi intezaar hota

koi mere dil se puchhe tere tir-e-nim kash ko
ye khalish kahaan se hoti jo jigar ke paar hota

ye kahaan ki dosti hai ke bane hai dost naaseh
koi chaara saaz hota koi gam gusaar hota

kahun kis se mai ke kya hai shab-e-gam buri balaa hai
mujhe kya buraa tha marna agar ek baar hota

ye masaa-el-e-tasavvuf ye tera bayan ‘Ghalib’
tujhe ham vali samajhate jo na baadah khaar hota

aah ko chaahiye ek umr asar hone tak
kaun jitaa hai tere zulf ke sar hone tak

aashiqi sabr talaab aur tamannaa betaab
dil ka kya rang karun khun-e-jigar hone tak

hamne maanaa ke tagakul na karoge lekin
khaak ho jaaenge hum tumko khabar hone tak

gam-e-hasti kaa ‘Asad’ kisse ho kuz-marg-e-ilaaj
shamaa har rang me jalti hai sahar hone tak

ulti hogayein sab tadbeerein kuch na dawa ne kaam kiya
dekhaa is bemaari-e-dil ne aakhir kaam tamaam kiya

ahd-e-jawaani ro ro kaata peeri mein li aankhain mund
yaani raat bahut the jaage subah huyi aaraam kiya

yahan ke saped-o-siyaah mein humko dakhal jo hay so itna hai
raat ko ro ro subah kiya aur subah ko jyon tyon shaam kiya

‘Mir’ ke deen-o-mazhab ko ab poochtay kya ho unne to
qashqaa khaincha dair mein betha kab ka tark islam kiya

zindagi kuch bhi nahin phir bhi jiye jaaten hain
tujh pe aey waqt ehsaan kiye jaaten hain

kuch to haalaat ne mujrim hame theraya hai
aur kuch aap bhi ilzaam diye jaaten hain

cheen li waqt ne ulfat ke ghamo ki daulat
khali daaman hai wahi saat liye jaaten hain

zindagi kya hai koi chake kaffan hai ‘Faakir’
umar ke hathonse hum jisko siye jaaten hain

apno ke sitam humse batayain nahi jaate
yeh haadse woh hain jo sunayain nahi jaate

kuch kum hi talluq hai mohabbat ka junoon se
deewane to hote hain banaye nahi jaate

ek umr ki koshish se bhulade hai teri yaad
lekin abhi tak yaad ke saaye nahi jaate

pyalon mein ho zehrab ke kuch aur ho ‘Faakir’
ab hoothon se wapas to yeh laaye nahin jaate

balamwa tum kya jaano preet

man ko lubha ke madh me phansa ke
phir bhi huye na meet

ishq hai chausar ki baazi
haar hai isme preet

-o-

Advertisements

One thought on “Begum Akhtar Hits

Share your thoughts!

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.